سلسلة رحلة الإبتعاث إلى المملكة المتحدة : ( استخراج الفيزا - حجوزات الطيران - السكن المؤقت )

السلام عليكم ورحمة الله وبركاته 

اسعد الله مساؤكم / صباحكم بكل خير 

هذه التدوينة الثانية من سلسلة تدوينات رحلة الإبتعاث 

بعد ماخلصنا مرحلة التسجيل في الجامعة وخلاص جانا القبول المشروط  للماجستير + قبول الـ pre- sesssional   او ممكن البعض يكون حقق الشروط فيصير عنده قبول  نهائي لبرنامج الماجستير 

الحين تجينا ثلاث نقاط مهمة  

( الفيزا - حجز الطيران - السكن المؤقت )

الفيــزا 

( فيه كثير مكاتب ممكن تسويها لك وبرسوم مبالغ فيها والاجراءات جداً بسيطة انا قدمتها لي ولعائلتي بمساعدة المبتعثين الله يجزاهم خير لو احترت بسؤال مو متأكدة من اجابته ) 

رابط التقديم على الفيزا البريطانية

هنــا

بالنسبة للفيز اللي قدمت عليهم 

فيزا التاير 4 

فيزا الشورت تيرم ستدي 11 شهر 

الفيزا السياحية (سنتين + ستة اشهر ) 

هي تقريباً كلها نفس الاسئلة لكن لكل فيزا فيه اسئلة تكون زيادة وكلها سهلة ان شاء الله 

Tire 4 Visa 

المستندات المطلوبة ارفاقها : 

1: الابلكيشن اللي راح تعبونه ( راح اشرحه بالتفصيل لاحقاً )

2. ورقة الموعد 

3. شهادة الايلتس 

( لازم يكون نوع اختبار الايلتس UKVI والدرجة تكون 4 )

4. وثيقة البكالوريوس 

5. الـ CAS NUMBER 

(هذا مستند راح يرسلونه لك الجامعة قبل بداية الكورس بثلاثة اشهر)

6. الضمان المالي 

( بالنسبة لي ارفقت الضمان المالي من الجامعة اللي ابتعثت منها والأهم يكون موجه للسفارة )

7. ورقة القبول من الجامعة 

8. الجواز 

( وانتبهوا لنقطة انهم راح يأخذونه منكم يعني لو كان عندكم سفرة او شيء تحطون هالنقطة بالحسبان ) 

بالنسبة للأبلكيشن هذا النموذج اللي طبعته وهو نفس الاسئلة اللي جاوبت عليها بحطها لكم مع الترجمة والشرح 

وإن شاء الله تساعدكم , الأجوية اللي قد تكون مشتركة للكل خليتها واضحة لكم عشان تجاوبون مثلها 

 ******

1. اسم العائلة

2. اسمك

3. لو فيه اسم ثاني Nickname 

4.تاريخ الميلاد

5. مكان الميلاد

6. الجنس

7. الجنسية

8. لو عندك جنسيات آخرى 

9. رقم الجواز

10. مكان اصدار الجواز

11. ايضاً مكان الإصدار بس ماأعرف ايش الفرق بينهم 

12. تاريخ إصدار الجواز

13. تاريخ انتهاء الجواز 

14. الدولة اللي ساكن فيها 

15. هل انت مقيم في نفس الدولة اللي تقدم منها للفيزا ؟ 

16. هل هذا هو اول جواز لك ؟ 

*****

17. هل انت مسافر مع احد ثاني ؟ 

18 . اذا كان نعم لازم تكتب بيانات الأشخاص اللي راح يسافرون معاك 

-الجنسية

-اسم العائلة

-الاسم

-تاريخ الميلاد

- هل عنده فيزا 

*****

19. تاريخ السفر  المخطط له 

( هنـا بنبّه عن نقطة مهمة وهو عدم حجز الطيران حتى توصل الفيزا لأن ممكن مايعطونك سماح للدخول بنفس التاريخ اللي انت حطيته وصارت معاي بالنسبة لفيز اخواني 😟 >>> كل المغامرات صارت معاي 😂) 

20. كم المدة الي راح تجلس فيها في بريطانيا ؟

21. ايش هو العنوان الاساسي لك ؟ ورقم التواصل لك لما تكون في بريطانيا ؟ 

( هنا كتبت اسم المدينة اللي راح اسكن فيها في بريطانيا + رقم جوالي السعودي )

*****

22. عنوان سكنك الأساسي في بلدك ( السعودية ) ؟ 

23. مدة سكنك في هذا العنوان ؟

24. هل تُفضّل ان يتم التواصل معاك على عنوان اخر مختلف عن اللي حطيته قبل ؟ 

(انا اخترت لا )

25. هل سبق واستخرجت فيزا بريطانية في العشر سنوات الأخيرة ؟ 

26. هل سبق وسافرت لبريطانيا في العشر سنوات الأخيرة ؟

27. هل سبق وارسلت خطاب الى الهوم اوفيس (الجهة المسؤولة عن الفيز في بريطانيا ) عشان تجلس في بريطانيا في العشر سنوات  الأخيرة ؟

28. هل سبق وتم رفض دخولك إلى بريطانيا في العشر سنوات الأخيرة ؟ ( في المطار) 

29. هل سبق وتم رفض اي فيزا لأي دولة اخرى في العشر سنوات الأخيرة ؟ 

*****

30. - 43 

كلها تخص الإرهاب والجرائم كلها إجابتها لا 

>> اختصاراً علي وعليكم 😎

*****

44. الحالة الإجتماعية ؟

*****

45- 49 معلومات تخص الأب 

- الجنسية 

-اسم العائلة

- اسم الأب 

-تاريخ الميلاد

-مكان الميلاد

50 -54 معلومات تخص الأم 

- الجنسية 

-اسم العائلة

- اسم الأم

-تاريخ الميلاد

-مكان الميلاد

55 . اذا كان عندك اطفال تحت رعايتك ؟

56. اذا كان فيه اطفال غيرهم راح يسافرون معاك ؟ 

<< بالنسبة للسؤال الأخير ماأعرف ايش قصدهم بالضبط لأن ماكان معاي اطفال فما اهتميت اعرف المعنى 

*****

57. هل سبق وتلقيت علاج طبي في بريطانيا ؟

*****

بالنسبة لهالجزء كل اجوبتها تلقونها ممكتوبة في الـ Cas Number اللي راح يرسلونه الجامعة 

58. رقم الترخيص لجامعتك اللي راح تدرس فيها ؟

59. اسم جامعتك اللي راح تدرس فيها ؟

60. عنوان جامعتك اللي راح تدرس فيها ؟

61. رقم قبولك للدراسة ؟

62. اسم الكورس او البرنامج اللي راح تدرسه ؟

63. ماهو مستوى البرنامج ؟

64. تاريخ بداية الكورس ؟

65. تاريخ نهاية الكورس؟

66. هل بدأت  دراسة لهذا الكورس ؟

67. عنوان مكان الدراسة  ؟

68. الرجاء تأكيد اي من الخيارات التالية ؟ ( كانوا حاطين قائمة توصف الكورس تبعك انا كان اختياري )

UNDERTAKING A FOUNDATION PROGRAMME AS A

POSTGRADUATE DOCTOR OR DENTIST

69. كيف حققت شرط اللغة الأنجليزية ؟ 

اجابتي كانت (ENGLISH LANGUAGE TEST)

70 . ماادري ماجاوبته (=

71. اسم الاختبار ؟  

اجابتي كانت IELTS 

72. درجتك في الأختبار ؟

لاتكتبون الدرجة اللي حصلتوا عليها يبغونها في نظام حساب مختلف تلقون كاتبينها لكم في المستند 

73. تاريخ الأختبار ؟

74. رقمك المرجعي للأختبار ؟

*****

75. رسوم البرنامج تبعك ؟ 

غالباً تلقاه بالاوفر 

76. هل تم دفع اي مبلغ للرسوم ؟ 

(انا كتبت لا لأني مادفعت اي شيء )

77. هل لديك المبلغ الكافي لدفع رسوم البرنامج ؟ 

78. هل دفعت اي مبلغ للسكن الطلابي للجامعة اللي راح تدرس عندهم ؟ 

79. هل لديك ضمان مالي من جهة داعمة ؟

80. ماهو المبلغ بالجنيه الأسترليني التي ستقوم بدفعه الجهة الداعمة ؟

82. رسوم الكورس ؟

83. مااعرف ايش يقصدون فيها صراحة ومو مجاوبة عليها (=

84. هل هناك مبلغ لم يتم دفعه ؟

البقية كلها ماجاوبتها لأنها مكرره (=

*****

Visitor Visa  

المستندات المطلوب ارفاقها : 

1. الابلكيشن  

2. الموعد 

3.كشف الحساب لأخر ستة اشهر بالانجليزي 

فيه نقطة مهمة راح اذكرها وهو انه قدمت للوالدة نوع فيزا السنتين بحيث تكون الصلاحية اطول لكن تحتاج كل ستة اشهر ترجع السعودية عشان تختيم الجواز لأنه لايسمح بالجلوس في بريطانيا اكثر من ستة اشهر , لكن وقعت في خطأ فادح وبسببه تم رفض الفيزا ( اول مره يكون الصدق سبب ضدي😂) في سؤال كم مدة الجلوس في بريطانيا حطيت سنة وثلاثة اشهر نفس مدة جلوسي  ( لأن كنت حاطة انه ببالي انه بديهياً بترجع كل ستة اشهر ع حسب نظامهم ) وللأسف ورفضوها عشان هالسبب المفروض حطيت شهر او شهرين فأنتبهوا لهالنقطة لأن رجعت قدمت لها فيزا ثانية وكتبت انه فقط ثلاثة اشهر والحمد لله قبلوها (=

بالنسبة للأبلكيشن هذا النموذج اللي طبعته وهو نفس الاسئلة اللي جاوبت عليها بحطها لكم مع الترجمة والشرح 

وإن شاء الله تساعدكم , الأجوية اللي قد تكون مشتركة للكل خليتها واضحة لكم عشان تجاوبون مثلها 

*****

- ماهو السبب الرئيسي لزيارتك للملكة المتحدة ؟

- هل سفرك الى المملكة المتحدة كعضو من مجموعة منظمة ؟

- هل راح تسافر مع شخص غريب ؟ >> الترجمة تصيح بالزاوية 😂

- ماهو السبب الرئيسي  لزيارتك ؟

- تفاصيل اخرى لسبب زيارتك ؟ 

***** 

- التاريخ المتوقع للسفر ؟

- تاريخ المغادرة من بريطانيا ؟ 

-الاسم

- العائلة 

- هل تحمل اسم آخر 

- هل  انت صاحب البريد الالكتروني المُسجّل  ؟

- هل لديك بريد الكتروني آخر 

- الحالة الإجتماعية ؟

- الجنسية

- الدولة المولود فيها 

- مكان الولادة

-تاريخ الولادة 

******

- هل تحمل بطاقة تعريف وطنية ( بطاقة الأحوال) سارية  ؟ 

- رقم بطاقة الأحوال

-مكان الإصدار

- تاريخ الإصدار

- تاريخ الإنتهاء 

- هل لديك اي جنسية آخرى ؟

- العنوان 

- هل هذا عنوانك الحالي ؟

- كم مدة عيشك في هذا العنوان ؟

- ماهي ملكية البيت ؟ >> من الآخر يعني البيت اجار او تمليك 😄

- رقم للتواصل

- وين ممكن تستخدم هذا الرقم ؟ هي كانت اختيارات واخترت هالإجابة

(For use whilst out of the UK)

- نوع رقم التواصل ؟ هي كانت اختيارات واخترت هالإجابة 

(Mobile telephone number)

- هل نستطيع التواصل معك على هذا الرقم ؟ كانت اختيارات واخترت هالإجابة 

(I can be contacted by telephone call and text

message (SMS)

*******

- رقم الجواز 

-مكان الإصدار

- تاريخ الإصدار

-تاريخ الإنتهاء

- هل هناك شخص اخر يساعدك في المصاريف على هذه السفرة ؟

>>> الصراحة حطيت لا اسهل لي لأن لو حطيت نعم لازم اكتب معلومات الشخص والمبالغ اللي ممكن يدفعها 😆

- معلومات الأب والأم (كلهم يبغون نفس المعلومات) 

الاسم 

العائلة

تاريخ الميلاد

الجنسية 

هل يحمل نفس جنسيتك ؟ 

******

- الحالة الوظيفية ؟ يعني موظف او لا 

- مكان التوظيف سابقاً ؟

-هل لديك اي مصدر دخل ثابت ؟ كانت اختيارات واخترت هالإجابة 

(Other regular income)

- ايش نوع الدخل ؟ كان فيه اختيارات واخترت 

(Pension)

- ماهو مجموع المبلغ الذي تحصل عليه في السنة ؟ 

(حطيت سعر تقريبي حسبت الراتب وضربته في 12 )

- ماهو المبلغ المتوقع صرفه في هذه السفره ؟ حطيت مبالغ تقريبية ماكانت دقيقة 

- ماهو المبلغ المتوقع صرفه كل شهر ؟ ايضاً حطيت مبلغ تقريبي 

- هل هناك شخص اخر راح يصرف على سفرك ؟ 

- هل لديك عائلة في بريطانيا ؟

- هل لديك عنوان لمكان سكنك في بريطانيا ؟

- اذا نعم تكتب تفاصيل السكن 

******

-تاريخ السفر

-تاريخ المغادرة 

*****

- هل سافرت للملكة المتحدة في العشر سنوات الأخيرة ؟

- هل سافرت إلى بريطانيا بطرق غير نظامية ( وكاتبين اكثر من حالة ) 

- هل تم منعك من السفر ( وكاتبين عدة حالات منها رفض الفيزا ) 

******

 كم عدد المرات التي زرتها من القائمة المحددة ؟ 

*******

- هل زرت اي دول اخرى ؟ 

- هل كنت جزء من منظمات ارهابية او اعمال اجرامية ؟

- هل كنت داعم للمنظمات الإرهابية ؟

****

 كلها اسئلة عن الإرهاب حطوها لا 

>> صراحة مخي علّق وانا احاول اترجم 😵

******

 -ماهي اللغة التي تفضّل التواصل معاك فيها ؟ 

*******

(Short Term Study (11 months 

 ( مع انه قدمت لأخوي وهو مرافقي لكن ماكان عندي ضمان مالي له فاضطريت اقدم شهادة ضمان بنكية ويكون فيها مبلغ يساوي رسوم المعهد , لكن ممكن تطلبون ضمان مالي بأسم لمرافق من جهة الإبتعاث ) 

المستندات المطلوب ارفاقها : 

1. الابلكيشن اللي راح تبعونه

2. الفيزا ليتر من المعهد 

3. اخر مؤهل دراسي 

5. الضمان المالي أو كشف لأخر ثلاثة اشهر باللغة الأنجليزية أو شهادة ضمان بنكية بالأنجليزي 

4. الموعد

5. الجواز 

اعتذر هنا مالقيت عندي اي مستند عشان اكتب توضيح للأبلكيشن لكن كان مشابه نوعاً ما للفيزا السياحية 

طبعاً بعد ماتدفع وتحجز الموعد تجهز كل اوراقك 

انا اخذت صورة من كل شيء واخذت معاي الأصل لكن لما اخذوا المستندات مني اعطيتهم الصور 

بيوم الموعد لازم تروحون بدري للموقع 

اول ماتدخل يعطونك رقم وتنتظر لين يجي دورك تسلم الاوراق للموظفة بعدها تعطيك ملف وتنتظر مره ثانية ينادونك للتصوير والبصمة وخلاص كذا خلصت اجراءات الفيزا 

بالنسبة لكم تأخذ وقت وتوصلك ؟ 

- العادي تأخذ من 15 إلى 20 يوم عمل

-مستعجل تأخذ 5 ايام عمل

- مستعجل جدأ 24 ساعة 

بالنسبة للملحقية تعوض عن المستعجل لكن خدمة VIP ماتعوض عنها 

طبعاً ايش هي هاالخدمة وايش الفرق بينها وبين الباقي  فقط حاطين كنب بدال الكراسي ويعطونك قهوة  (= 

رسومها 500ريال , لكن اضطريت اخذ عليها مواعيد اهلي لأن الخدمة العادية مافيه مواعيد متاحة 

ملاحظة مهمة / لاتنسون تحفظون كل الايميلات وايصالات الدفع وتسوون لها PDF  سكان عشان تحتاجونها لما تقدمون للتعويضات

طبعاً بعد ماتستلمون الجواز يفضل وقتها تحجزون الطيران والسكن المؤقت 

بالنسبة لشيفيلد ممكن تسافرون لها بطريقتين  :

1- جدة - مانشستر  ( بعدين  الى شيفيلد اما قطار مدة ساعة او سيارة مدة ساعتين )

2. الرياض - لندن  ( بعدين إلى شيفيلد إماا قطار مدة ساعتين وخمسين  دقيقة او سيارة ثلاث ساعات ) 

بالنسبة لي لأول مرة افضّل تجون عن طريق السيارة اسهل لأن القطارات فيها حوسة شوي وهذه اسماء سواقين معتمدين من النادي السعودي في شيفيلد تتواصلون معاهم قبل تجون بكم يوم عشان تضمنون انهم مايكونون مرتبطين مع احد ثاني 

بالنسبة للسكن اتوقع البوكنق هو المنقذ وحاولوا تسكنون في منطقة الستي سنتر 

بالنسبة لشيفيلد راح يفيدكم هذا الرابط مو موقع سعوديون في شيفيلد 

هنــا

وبكذا خلصنا المرحلة الثانية من رحلة الإبتعاث 

إن شاء الله اكون جاوبت ع كل الأسئلة الي جات في بالكم وحياكم الله لإي استفسار 

بالتوفيق

دعواتكم لوالدي بالرحمة والمغفرة 

ولوالدتي بطول العمر والصحة والعافية 

 شكراَ لكل شخص كان معاي خطوة بخطوة خلال كل هالإجراءات ربي يرزقهم السعادة ويجزاهم عنّي خير الجزاء وبكون ممنونة لهم طول عمري ع فضلهم ومساعدتهم لي اختصروا علي عناء المحاولات والتجارب وتحملوا اسئلتي الدقيقة عن الصغيرة والكبيرة  << مااحد دمعت عيونه من كثر الإمتنان 😭😭😭😭😭